LEHENENGO PAKETEA

Munduko joko bizkorrena probatu nahi? Hau da zure aukera!

Zesta punta, edo Jai Alai izeneko modalitatea, 1857-an sortu zen Senperen. Xistera Handi izeneko saskiarekin jokatzen da, eta 125-140 gramoko ahuntz larruz forraturiko pilota batekin.

Jokoa hain da bizkorra, non puntista edo zestalariek 300km/h ko pilotak ere jaurti izan dituzten.

Normalean bi biren aurkako partiduak jolasten dira, aurrelari eta atzelari finkoekin, eta 30-35 tantoetara jokatu ohi da.

Beraz, Zesta Punta probatzea nahi izanez gero, ezin dezakezu aukera hau galdu!

PLANA

Goiza:
10:00etan  Jostaldi Pilotalekuan elkartuko gara. Hemen autobusen ibilaldi eta ordutegiak aurkitu ahal izango dituzue , bai eta autobus geltokitik pilota lekura iristeko mapa bat ere. 

Behin pilota lekura iristean, aldageletara eramango zaituztegu, eta ondoren gure gidariak  frontoirako bidea erakutsiko dizue, bertan begiraleekin elkartzeko.

Lehenengo, zesta puntari buruzko zenbait alderdi kontatuko dizuete begiraleek, eta ondoren xistera handia jartzen erakutsiko dizuete, gero bakoitzak berea jarri ahal izateko.

Ondoren, teknika eta oinarriak erakutsiko dizkizue irakasleak, bai eta oinarrizko arauak ere. Ostean, bakoitzari pilota bat emango zaio eta honelako ariketak egiten hasiko zarete. 

Ariketa hauei esker, eskuinez eta errebesez pilota jasotzen eta teknika ezberdinak erabiliz jaurtitzen ikasi ahalko duzue. Hau ezinbestekoa iazngo da, ondoren, begiraleek azaladuko dituzten gainerako ariketak burutzeko. Goizeko saioarekin amaitzeko, Euskal Herrian tipikoa den Barrene jokura jolastu duzue, eta barrene gehien lortzen dituenak (gainerakoak ere), oparitxo bat eraman ahalko du etxera! Ezetz imaginatu zer den?

Eguerdia:

Honekin, goizeko ariketak bukatuko dira, eta gure gidariak bazkaltzera eramango zaituzte, Alameda Jatetxera, baina ez arduratu, ez da garraiorik hartu beharko, jatetxe hau pilota lekutik oso hurbil dagoelako. Bertan Gartzinea menuaz disfrutatzeko aukera izango duzue, Euskal Herriko janaria gozatuz.

Arratsaldea:  

Bazkaldu ostean, gidariarekin batera Hondarribia bisitatu ahalko duzue, bertako alde zaharra, portua eta bere alderdi ederrenak ezagutuz, poteoan gabiltzan bitartean.

Eta jardunaldiarekin amaitzeko, berriro ere Jostaldi pilotalekura bueltatuko gara, profesionalen bi biren aurkako partidu bat ikusteko. Partiduaren aurretik Aurresku dantza bat egongo da, ekitaldiari hasiera emateko, tradizionalki egiten den moduan. Partidua amaitzean, berriz ere autobus geltokira gidatuko zaituztegu eta horrekin amaituko da zuen Tour laburra Hondarribian.